Ang araw na ito ay National Voter Registration Day -- isang malaking pambuong bansa at nonpartisan na pagsisikap para maiparehistro ang mga botante nang maayos bago ang Araw ng Eleksyon ngayong Nobyembre. Sa Snap, naniniwala kami noon pa man na ang isa sa mga pinakamakapangyarihang anyo ng pagpapahayag sa sarili ay ang paggamit sa karapatang bumoto at makiisa sa ating demokrasya.
Sa aming app, araw-araw naming nakikita ang Snapchat Generation na nagpapakita ng matinding emosyon, pagkamalikhain, at inobasyon na nakakatulong sa pagpapabuti sa mundo. Gusto naming gawin ang buong makakaya namin para alisin ang mga hadlang na dati nang pumipigil sa mga kabataang botante na bumoto, at para mahikayat ang mga hinaharap na henerasyon na magsalita at mapakinggan ang kanilang mga boses.
Kaya naman sa unang bahagi ng buwang ito, naglunsad kami ng mga bagong mobile tool na makakatulong sa mga unang beses na boboto at kabataang botante na magparehistro para makaboto nang direkta sa aming app, matuto tungkol sa kanilang mga opsyon sa pagboto at sa mga isyu at kandidato sa kanilang balota, at gumawa ng plano na bumoto. Sa lahat ng tool na ito, nakatuon ang Snapchat sa paghihikayat sa mga user na magsagawa ng 1:1 na pagbibigay-kaalaman sa kanilang mga kaibigan, na posibleng karaniwan nilang ginagawa sa mga campus ng kolehiyo, at sa pamamagitan ng pagtawag o pagkatok sa mga pinto.
Ipinagmamalaki namin ngayon na makipagtulungan sa kilalang artist na si Mark Bradford sa isang bagong augmented reality na Lens para hikayatin ang ating komunidad na magparehistro para makaboto. Kumpara sa ipinagsama-samang istatistika ng Facebook, Instagram, at Messenger, mas marami tayong naaabot na 13-24 na taong gulang sa US -- at karamihan sa mga ito ay nasa edad na kwalipikado nang bumoto. Sa katunayan, sa 100 milyong Snapchatter sa U.S., 80% ng mga ito ay 18+.
Inilalapat ng bagong lens na ito ang signature na istilo ng abstract painting ng artist sa isang face mask na may nakalagay na salitang "Vote," at nagtatampok ito ng button na direktang nagdadala sa mga Snapchatter papunta sa aming tool para sa pagpaparehistro ng botante. Ang layuning ito na ginagawang pagkilos ang mga ideya sa pamamagitan ng abstract painting, kung saan ipinagsasama ang pamamaraan ni Bradford sa mga elemento ng panlipunang pakikilahok, ay matagal nang pinagtutuunan ng artist simula pa noong mga unang bahagi ng 2000s. Sa kanyang career, isinulong ng gawa ni Bradford ang mga napakahalagang panlipunang tema, kabilang ang hustisya at katarungang panlahi, mga karapatan ng mga kababaihan at kalupitan ng pulisya -- at lubos naming ikinararangal na dinadala niya sa Snapchat ang kanyang makapangyarihang talento.
Naipakita na ng ating komunidad ang pagkakaroon nito ng matinding interes para sa aming bagong mga tool para sa pagpaparehistro ng botante -- simula noong Monday, nakatulong ang Snapchat ng higit sa 750,000 na magparehistro para makaboto sa pamamagitan ng app sa 2020.
May magandang record ang Snap pagdating sa pagpaparehistro ng botante -- noong midterms ng 2018, natulungan ng kumpanya ang mahigit 400,000 Snapchater na magparehistro para makaboto at 57% ng mga ito ang aktwal na bumoto. Para matulungan silang makaboto sa panahong ito, ang Snapchat ay magbibigay ng paalala sa mga nagparehistrong user tungkol sa mahahalagang deadline sa pagboto sa kanilang mga estado; magpapadala ng mga mensaheng nagpapaalala sa mga user na gumawa ng planong bumoto; at magbibigay ng checklist para sa botante na available sa kanilang user profile at ng mga resource mula sa mga civic partner sa kanilang Gabay para sa Botante.