Vogue x Snapchat: ਸਰੀਰ ਨੂੰ ਮੁੜ-ਪਰਿਭਾਸ਼ਿਤ ਕਰਨਾ

ਅੱਜ, Vogue ਦੇ ਨਾਲ ਭਾਗੀਦਾਰੀ ਵਿੱਚ, ਅਸੀਂ ਇੱਕ AR ਪ੍ਰਦਰਸ਼ਨੀ ਨੂੰ ਪੇਸ਼ ਕਰ ਰਹੇ ਹਾਂ ਜਿਸ ਦਾ ਨਾਮ ਹੈ Vogue ਅਤੇ Snapchat: ਸਰੀਰ ਨੂੰ ਨਵਾਂ ਸਰੂਪ ਦੇਣਾ, ਇਹ ਐਡਵਰਡ ਐਨਿਨਫੁੱਲ OBE ਵਲੋਂ ਤਿਆਰ ਕੀਤਾ ਗਿਆ ਹੈ। AR ਪ੍ਰਦਰਸ਼ਨੀ ਬ੍ਰਿਟਿਸ਼ Vogue ਅਤੇ Snap ਦੇ ਵਿਚਕਾਰ ਕਰੀਬੀ ਸਹਿਯੋਗ ਦਾ ਨਤੀਜਾ ਹੈ, ਇਹ ਦਰਸਾਉਂਦਾ ਹੈ ਕਿ ਕਿਸ ਤਰ੍ਹਾਂ ਨਵੀਨਤਾਕਾਰੀ ਡਿਜੀਟਲ ਤਜ਼ਰਬੇ ਅਤੇ ਕਸਟਮ Snapchat ਲੈਂਜ਼ ਰਾਹੀਂ ਭੌਤਿਕ ਫੈਸ਼ਨ ਡਿਜ਼ਾਈਨ ਨੂੰ ਬਿਹਤਰ ਬਣਾਇਆ ਅਤੇ ਬਦਲਿਆ ਜਾ ਸਕਦਾ ਹੈ।

ਕਲਾ ਦੇ ਕੇਂਦਰ La Malmaison ਵਿਖੇ ਆਯੋਜਿਤ Snap ਅਤੇ Vogue ਦੁਨਿਆਭਰ ਦੇ ਸੱਤ ਮੁੱਖ ਫੈਸ਼ਨ ਬ੍ਰਾਂਡਾਂ ਅਤੇ ਡਿਜ਼ਾਈਨਰਾਂ ਦੇ ਬਣਾਏ ਕੱਪੜਿਆਂ ਦੇ ਡਿਜ਼ਾਈਨ ਪ੍ਰਦਰਸ਼ਿਤ ਕਰਨਗੇ। ਵਿਜ਼ਿਟਰ Balenciaga, Dior, Gucci, Kenneth Ize, Richard Quinn, Stella McCartney ਅਤੇ Versace ਵਲੋਂ ਤਿਆਰ ਕੀਤੇ ਗਏ ਸੰਗ੍ਰਹਿ, ਸਮਕਾਲੀ ਅਤੇ ਵਿਸ਼ੇਸ਼ ਫੈਸ਼ਨ ਡਿਜ਼ਾਈਨਾਂ ਨੂੰ ਪ੍ਰਦਰਸ਼ਿਤ ਕਰਨ ਵਾਲੇ ਕਸਟਮ ਡਿਜ਼ਾਈਨ ਕੀਤੇ ਕਮਰਿਆਂ ਦਾ ਦੌਰਾ ਕਰ ਸਕਦੇ ਹਨ। Snap ਦੀ ਮਾਰਗ ਦਰਸ਼ਕ ਤਕਨੀਕ ਦੀ ਵਰਤੋਂ ਕਰਕੇ ਡਿਜ਼ਾਈਨਰਾਂ ਨੇ ਪ੍ਰਦਰਸ਼ਨੀ ਦੇ ਮੂਹਰਲੇ ਹਿੱਸੇ ਨੂੰ ਡਿਜੀਟਲੀ "ਲਪੇਟਿਆ" ਹੋਇਆ ਬਣਾਇਆ ਹੈ, ਅਤੇ ਇਮਾਰਤ ਦੇ ਬਾਹਰੀ ਸਰੂਪ ਨੂੰ ਪੂਰੀ ਤਰ੍ਹਾਂ ਬਦਲ ਦਿੱਤਾ ਹੈ।

ਦੁਨੀਆ ਭਰ ਦੇ Snapchatters ਲੈਂਜ਼ ਪੱਟੀ ਵਿੱਚ ਉਪਲਬਧ ਇਹਨਾਂ ਡਿਜ਼ਾਈਨਰਾਂ ਦੇ ਲੈਂਜ਼ ਨੂੰ ਆਜ਼ਮਾ ਕੇ ਇਸ ਮਨੋਰੰਜਨ ਵਿੱਚ ਸ਼ਾਮਲ ਹੋ ਸਕਣਗੇ ਅਤੇ ਇਹਨਾਂ ਲੈਂਜ਼ ਨੂੰ ਲੈਂਜ਼ ਪੜਚੋਲਕ ਵਿੱਚ 'ਡ੍ਰੈਸ ਅੱਪ' ਟੈਬ ਵਿੱਚ ਵੀ ਲੱਭਿਆ ਜਾ ਸਕਦਾ ਹੈ।

“ਮੇਰੇ ਲਈ ਫੈਸ਼ਨ ਨੂੰ ਸਭ ਦੀ ਪਹੁੰਚ ਵਿੱਚ ਲਿਆਉਣਾ ਹਮੇਸ਼ਾ ਤੋਂ ਹੀ ਮਹੱਤਵਪੂਰਨ ਰਿਹਾ ਹੈ। ਵਧਾਈ ਗਈ ਹਕੀਕਤ ਦੀ ਵਰਤੋਂ ਕਰਦਿਆਂ, Vogue ਅਤੇ Snapchat: ਸਰੀਰ ਨੂੰ ਨਵਾਂ ਸਰੂਪ ਦੇਣਾ, ਇੱਕ ਪ੍ਰਦਰਸ਼ਨੀ ਹੈ ਜੋ ਨਸਲ, ਲਿੰਗ, ਲਿੰਗੀ ਰੂਝਾਨ ਅਤੇ ਆਕਾਰ ਦੀ ਪਰਵਾਹ ਕੀਤੇ ਬਿਨਾਂ - ਦੁਨੀਆ ਦੇ ਸਭ ਤੋਂ ਵਧੀਆ ਡਿਜ਼ਾਈਨਰਾਂ ਅਤੇ ਲਗਜ਼ਰੀ ਬ੍ਰਾਂਡਾਂ ਦੇ ਫੈਸ਼ਨ ਦਾ ਅਨੁਭਵ ਕਰਨ ਅਤੇ ਆਨੰਦ ਲੈਣ ਲਈ- ਹਰੇਕ ਨੂੰ ਸੱਦਾ ਦਿੰਦੀ ਹੈ। ਇਸ ਤੋਂ ਵਧਿਆ ਕੁਝ ਵੀ ਨਹੀਂ ਹੋ ਸਕਦਾ।" - ਐਡਵਰਡ ਐਨਿਨਫੁੱਲ OBE, ਬ੍ਰਿਟਿਸ਼ Vogue ਦੀ ਮੁੱਖ ਸੰਪਾਦਕ ਅਤੇ ਯੂਰਪੀ ਸੰਪਾਦਕੀ ਨਿਰਦੇਸ਼ਕ, Vogue

"ਅਸੀਂ ਸਿਰੇ ਦੇ ਡਿਜ਼ਾਈਨਰਾਂ ਅਤੇ ਬ੍ਰਾਂਡਾਂ ਦੇ ਫੈਸ਼ਨ ਦਾ ਵਰਚੂਅਲ ਤਜ਼ਰਬਾ ਲੈਣ ਵਿੱਚ ਦੁਨੀਆ ਭਰ ਦੇ ਲੱਖਾਂ Snapchatters ਨੂੰ ਸਮਰੱਥ ਬਣਾਉਣ ਲਈ Vogue ਦੇ ਨਾਲ ਭਾਗੀਦਾਰੀ ਕਰਕੇ ਬਹੁਤ ਉਤਸ਼ਾਹਿਤ ਹਾਂ। ਇਸ ਪ੍ਰਦਰਸ਼ਨੀ, ਅਤੇ ਵਧਾਈ ਗਈ ਹਕੀਕਤ ਰਾਹੀਂ ਹੋਰ ਵੀ ਵਿਆਪਕ ਤੌਰ ਤੇ, ਅਸੀਂ ਫੈਸ਼ਨ ਅਤੇ ਡਿਜ਼ਾਈਨ ਦੀ ਦੁਨੀਆ ਦੀ ਪਹੁੰਚਣਯੋਗਤਾ, ਰਚਨਾਤਮਕਤਾ ਅਤੇ ਪ੍ਰਗਟਾਵੇ ਦੇ ਨਵੇਂ ਪੱਧਰਾਂ ਨੂੰ ਪੇਸ਼ ਕਰਨ ਦੀ ਉਮੀਦ ਕਰਦੇ ਹਾਂ।" Snap Inc. ਦੇ ਈਵਾਨ ਸਪੀਗਲ, ਸਹਿ-ਸੰਸਥਾਪਕ ਅਤੇ CEO.

AR ਤਜ਼ਰਬੇ Arcadia, ਅਟੋਮਿਕ ਡਿਜੀਟਲ ਡਿਜ਼ਾਈਨ ਅਤੇ Snap ਦੇ ਨਵੇਂ ਸਥਾਪਿਤ ਪੈਰਿਸ AR ਸਟੂਡੀਓ ਦੇ ਸਹਿਯੋਗ ਨਾਲ ਵਿਕਸਿਤ ਕੀਤੇ ਗਏ ਸਨ ਜੋ ਕਲਾ, ਸਿੱਖਿਆ ਅਤੇ ਸੱਭਿਆਚਾਰ ਵਿੱਚ ਵਧਾਈ ਗਈ ਹਕੀਕਤ ਦੀਆਂ ਸੰਭਾਵਨਾਵਾਂ ਬਾਰੇ ਦੁਨੀਆ ਨੂੰ ਪ੍ਰੇਰਿਤ ਕਰਨ ਵਾਸਤੇ ਰਚਨਾਕਾਰਾਂ ਦੀ ਅਗਲੀ ਪੀੜ੍ਹੀ ਨੂੰ ਸਮਰੱਥ ਬਣਾਉਣ ਅਤੇ ਸਿੱਖਿਅਤ ਕਰਨ ਉੱਤੇ ਕੇਂਦ੍ਰਿਤ ਹਨ।