Snapchat இல் சாத்தியமுள்ள பிழைகள், பாதிப்புகள் பற்றி கணினிப் பாதுகாப்பு வல்லுநர்களும் பிற உதவிகரமான நபர்களும் எப்போதாவது எங்களை அணுகுகின்றனர். பொறுப்பான வெளிப்படுத்தலைக் கடைப்பிடிக்கும் வல்லுநர்களின் உதவிக்கு நன்றியுடையவர்களாய் இருக்கிறோம், அத்துடன் எங்களைத் தொடர்பு கொண்டவர்களுடன் பொதுவாக சிறப்பாகப் பணியாற்றியுள்ளோம்.
இந்த வாரம் கிறிஸ்துமசிற்கு முன்பாக எங்கள் தனிப்பட்ட ஏ.பி.ஐக்கான ஆவணமாக்கத்தை ஒரு பாதுகாப்புக் குழு பதிவிட்டது. Snapchat பயனர் பெயர்களையும் தொலைபேசி எண்களையும் தரவுதளமாகத் தொகுப்பதற்குச் சாத்தியமுள்ள தாக்குதல் குறித்தான குற்றச்சாட்டும் இந்த ஆவணமாக்கத்தில் அடங்கியுள்ளது.
பயனர்கள் தங்களின் முகவரிப் புத்தகத் தொடர்புகளை Snapchatக்கு பதிவேற்ற எங்கள் நண்பர்களைக் கண்டுபிடியுங்கள் அம்சம் வழிசெய்கிறது இதன்மூலம் முகவரிப் புத்தகத்தில் காணப்படும் தொலைபேசி எண்களுக்குப் பொருத்தமான Snapchat பயனர்களின் கணக்குகளை நாங்கள் காட்டலாம். உங்கள் Snapchat கணக்கிற்கு தொலைபேசி எண்ணைச் சேர்ப்பது விருப்பத்தேர்வாகும், ஆனால் இது உங்கள் நண்பர்கள் உங்களைக் கண்டறிய வழிசெய்கிறது. நாங்கள் தொலைபேசி எண்களைப் பிற பயனர்களுக்குக் காண்பிக்க மாட்டோம், அத்துடன் ஒருவரின் பயனர்பெயர் அடிப்படையில் தொலைபேசி எண்ணைத் தேடும் திறனையும் ஆதரிப்பதில்லை.
கருத்தியல் அளவில் ஒரு பகுதிக் குறியீட்டிலுள்ள ஒவ்வொரு எண் அல்லது அமெரிக்காவிலுள்ள சாத்தியமான ஒவ்வொரு எண் போன்ற பெரும் தொகுப்பிலான தொலைபேசி எண்களை பதிவேற்ற இயலுமென்றால், அவர்களால் முடிவுகளின் தரவுதளத்தை உருவாக்கி அம்முறையில் தொலைபேசி எண்களுடன் பயனர்பெயர்களைப் பொருத்த முடியும். கடந்த ஆண்டில் அவ்வாறு செய்வதை இன்னும் கடினமாக்குவதற்கான பல்வேறு பாதுகாப்பமைப்புகளை நடைமுறைப்படுத்தியுள்ளோம். அண்மையில் கூடுதல் எதிர்நடவடிக்கைகளைச் சேர்த்துள்ளோம் அத்துடன் ஸ்பேம், தவறான பயன்பாட்டை எதிர்ப்பதற்கான மேம்பாடுகளைத் தொடர்ந்து உருவாக்குகிறோம்.
Snap செய்து மகிழ்க!