Snap மற்றும் Pride Media இணைந்து, பெருமித உணர்வு, செயல்பாட்டில் ஆழமாக வேரூன்றி, அணிவகுத்துச் செல்வதை உறுதிப்படுத்துகின்றன.
இந்த கூட்டணியானது, Snap -இன் மிகைப்படுத்தப்பட்ட மெய்மைத் திறன்கள் மற்றும் உருவாக்குபவர் சமூகம் ஆகியவற்றின் உதவியுடன், ஒவ்வொரு அமெரிக்க மாநிலத்திலும் உள்ள அனைத்து மக்களுக்கும் சமத்துவத்தை முன்னெடுக்கும் மாறுபட்ட, வித்தியாசமானவர்களை-அடையாளம் காணும் மாற்றத்தை உருவாக்குபவர்களிடம் கவனத்தை ஈர்ப்பதற்காக, LGBTQ சமூகத்தினர் குறித்த செய்திகளை வெளியிடும் வெளியீட்டாளரான தி அட்வகேட்டை Snapchat உடன் முதல் முறையாக இணைத்துள்ளது.
உண்மையான மாற்றத்தில் செயல்விளைவை உண்டாக்கும் LGBTQ+ மற்றும் BIPOC சமூகங்களைச் சேர்ந்த அனைவரையும் பிரதிநிதித்துவப்படுத்தும் ஆர்வலர்கள், கலைஞர்கள், தேர்ந்தெடுக்கப்பட்ட அதிகாரிகள் மற்றும் அன்றாட மக்களின் பணிகளை எடுத்துக்காட்டும், தி அட்வகேட்டின் வருடாந்திர “சாம்பியன்ஸ் ஆஃப் ப்ரைடு” -இன் 2020 பதிப்போடு இன்று ஆழமான AR அனுபவங்கள் தொடங்கப்படுகின்றன.
Snapchat பயனர்கள் மெய்நிகர் கலைக்கூடங்களை ஆராயலாம், அங்கு அவர்கள் ஒவ்வொரு “சாம்பியன் ஆஃப் ப்ரைடு” பற்றியும் அறியலாம்:
- 13 வயதான “வல்லமை மிக்க” Rebekah, LGBTQ-உள்ளடக்கிய பாடத்திட்டத்திற்கு அனுமதியளிக்கும்படி தனது சொந்த மாநிலமான நியூ ஜெர்சியை வெற்றிகரமாக வற்புறுத்தினார்
- ஒரு கருப்பின எபிஸ்கோபல் பாதிரியாரான Kim Jackson, ஜார்ஜியாவின் முதல் மாநிலச் செனட்டராக ஆவதற்காகப் போட்டியிடுகிறார்
- Karla Bautisa, வெளிநாட்டிலிருந்து குடிபெயர்ந்த LGBTQ சமூகத்தினரைத் தடுப்புக்காவலில் இருந்து விடுவிக்க ஏற்பாடு செய்யும் அரிசோனாவைச் சேர்ந்த ஒரு திருநங்கைப் பழங்குடி பெண்
மிகைப்படுத்தப்பட்ட மெய்மை மூலம் துணை வலிமை கொடுப்பதற்காக, Snap பல அதிகாரப்பூர்வ லென்ஸ் உருவாக்கிகளை அணுகி ஐந்து போர்ட்டல் லென்ஸஸ் வரிசையை உருவாக்கியுள்ளது, அவை ஒவ்வொன்றும் அமெரிக்காவின் ஒரு பகுதியைக் குறிக்கின்றன, Snapchat பயனர்கள் ஒவ்வொரு “சாம்பியன் ஆஃப் ப்ரைடு” கதைகளையும் கொண்டாட இது அனுமதிக்கிறது. ஒவ்வொரு லென்ஸும் அதை உருவாக்குபவரின் தனித்துவமான பார்வையை மற்றும் பிராந்தியத்தின் தனித்துவமான தன்மையைக் காட்டுகிறது, அதாவது வடக்கு அட்லாண்டிக் லென்ஸில் ஒரு செங்கல் சுவர் கேலரியும், Cyrene -இன் தெற்கு லென்ஸில் மாநிலப் பூக்கள் மற்றும் நாணல் தாவரங்களும் இருக்கும். உருவாக்கிகள் தங்கள் லென்ஸால் பிரதிநிதித்துவப்படுத்தும் பிராந்தியத்துடன் தொடர்புகளைக் கொண்டுள்ளனர் மற்றும் LGBTQ + அல்லது சமூகத்தின் கூட்டாளியாக அடையாளம் காணப்படுகின்றனர்.
“சாம்பியன்ஸ் ஆஃப் ப்ரைடு” லென்ஸஸ் ஒவ்வொன்றையும் இங்கே பாருங்கள்:
- Brielle Garcia -வால் உருவாக்கப்பட்ட ப்ரைடு பசிஃபிக் மேற்கு
- Alie Jackson -ஆல் உருவாக்கப்பட்ட ப்ரைடு மவுண்டைன்
- Cyrene Quiamco -வால் உருவாக்கப்பட்ட ப்ரைடு தெற்கு
- Joshua Keeney -ஆல் உருவாக்கப்பட்ட ப்ரைடு வடக்கு அட்லாண்டிக்
"Snapchat போன்ற ஒரு அற்புதமான தளத்தில் இந்த ஆண்டின் சாம்பியன்ஸ் ஆஃப் ப்ரைடுக்கான கவனத்தை ஈர்ப்பதற்கு நாம் எவ்வளவு அதிர்ஷ்டம் பெற்றிருக்க வேண்டும்?" என்று தி அட்வகேட்டின் இணை தலைமை ஆசிரியரான David Artavia கூறுகிறார். "இந்தச் சாம்பியன்களுக்கு ஒரு பெரிய குரலை கொடுத்ததற்காக Snapchat மற்றும் அவர்களின் பலவிதமான LGBTQ+ உருவாக்கிகளின் குழுவை நாங்கள் பாராட்டுகிறோம். நாடு முழுவதும், இந்தப் பட்டியலில் உள்ள அனைவரும், ஏதோ ஒரு வகையில், உலகத்தைச் சிறப்பாக மாற்றியுள்ளனர். Snapchat -இன் மிகைப்படுத்தப்பட்ட மெய்மை, அவர்களை அறிமுகப்படுத்துவதற்கான ஒரு சிறந்த வழி மட்டுமல்ல, இது தொழில்நுட்பத்தை நன்மைக்காகவும் எவ்வாறு பயன்படுத்தலாம் என்பதற்கான ஒரு சிறந்த எடுத்துக்காட்டு ஆகும்.
"கடந்த காலத்தின் கொண்டாட்டமாக மட்டுமில்லாமல், நமது எதிர்காலத்தின் கொண்டாட்டமாகவும் இருக்கும் ஒரு ப்ரைடு லென்ஸில் பணியாற்ற நான் விரும்பினேன்," என்று ப்ரைடு பசிஃபிக் வெஸ்ட் லென்ஸின் லென்ஸ் உருவாக்கியான Brielle Garcia கூறுகிறார். "இந்த லென்ஸஸ், LGBT சமூகத்தில் உள்ள அனைவருக்கும் ஒரு ஊக்கமாக இருக்கும் என்று நம்புகிறேன். உங்களைப் போன்ற தனித்துவமானவர்கள் வணிகம், அரசியல், கலை அல்லது நீங்கள் கனவு காணக்கூடிய எதிலும் வெற்றிபெற முடியும் என்று ஊக்குவித்தல். இந்தச் செய்தி எனக்கு முக்கியமானது, ஏனெனில் இந்த வகையான வெற்றி எப்போதும் எங்களுக்குக் கிடைத்ததில்லை. பல அற்புதமான மனிதர்கள் நமக்கு முன் வந்து பாதையை அமைத்துள்ளனர், மேலும் இது அவர்களின் வெற்றியின் கொண்டாட்டம் மற்றும் நீங்கள் எதையும் அடைய முடியும் என்பதற்கான வழிகாட்டுதல் ஆகும்.”
Snapchat -இன் மிகைப்படுத்தப்பட்ட மெய்மை அனுபவங்களை உருவாக்கி வெளியிடுவதற்கான Snap இன் சக்திவாய்ந்த தளமான Lens Studio -வில் உருவாக்கிகள் இந்த லென்ஸஸை உருவாக்கியுள்ளனர்.