Ipinapakita ng Bagong Pananaliksik mula sa NORC ng University of Chicago na ang Pakikipag-ugnayan Online sa mga Kaibigan ay Nagdudulot ng Kaligayahan sa mga Teenager at Young Adult
Araw-araw, daan-daang milyong tao ang gumagamit ng Snapchat para makipag-ugnayan sa kanilang mga pinakamalapit na kaibigan at ipahayag ang kanilang sarili. Iyon ang dahilan kung bakit ang Snapchat ay bumubukas sa isang camera, hindi sa isang feed ng content, para maibahagi ng sinuman ang isang Snap ng kanilang nararamdaman o kung ano ang kanilang ginagawa sa sandaling iyon. Ang mga pag-uusap ay hindi naiimbak magpakailanman, awtomatiko itong nabubura, tulad ng mga pag-uusap natin nang personal o sa telepono.
Madalas naming naririnig mula sa aming komunidad na tinutulungan ng Snapchat ang mga tao na manatiling malapit sa kanilang mga kaibigan, kahit na sila ay pisikal na magkalayo. Alam namin kung gaano kamahalagaang mga relasyong ito sa kalusugan at kaligayahan, at lagi naming gustong mas maunawaan kung paano makakagawa ng positibong epekto ang paggamit ng Snapchat sa pamamagitan ng pagsuporta sa mga tunay na pagkakaibigan.
Upang mas lalong tuklasin ito, kamakailan ay kinomisyon namin ang National Opinion Research Center (NORC) sa University of Chicago na magsagawa ng bagong pananaliksik sa papel ng mga online communications platform sa mga interpersonal na relasyon sa mga teenager (edad 13-17) at young adult (edad 18-40) at kung ano ang ipinadarama sa mga tao ng mga partikular na feature ng mga online platform. Inilathala ng NORC ang kanilang buong pag-aaral ngayon at nalaman na:
Ang pakikipag-ugnayan online sa malalapit na kaibigan at pamilya, gamit ang mga feature ng direct messaging, ay isang pangunahing pinagmumulan ng kaligayahan para sa mga kabataan.Ayon sa NORC,halos dalawang-katlo ng mga kabataan ang nagsasabi na ang direct messaging sa pamilya at malalapit na kaibigan ay nagpapasaya sa kanila nang labis o lubos.Ito ang tanging feature ng mga online communications platform na nagpapasaya sa karamihan ng mga teenager at young adult.
Ang mga online platform ay maaaring magdulot ng iba't ibang damdamin, parehong positibo at negatibo, depende sa iba't ibang feature na ginagamit. Walumpung porsyento ng mga teenager at young adult ang nag-uulat na ang mga online communications platform ay tumutulong sa kanila na maging mas konektado sa kung ano ang nangyayari sa buhay ng kanilang mga kaibigan. Kasabay nito, mahigit kalahati ng mga sumagot ang nagsasabi na ang mga platform ay maaaring magparamdam sa kanila ng pagkalula; 45% ang nag-uulat na nakakaramdam ng pressure na mag-post lamang ng content na magpapaganda sa kanilang imahe sa iba; at higit sa isang-katlo ang nakakaramdam ng pressure na mag-post ng content na makakakuha ng maraming like o komento.
Ang Snapchat ay tumutulong na suportahan at palalimin ang pagkakaibigan.Ayon sa data ng NORC,ang mga respondent na gumagamit ng Snapchat ay nag-uulat ng mas mataas na kasiyahan sa kalidad ng mga pagkakaibigan at relasyon sa pamilya kaysa sa mga hindi Snapchatter.Ang mga Snapchatter ay nag-uulat din ng mga positibong damdamin tungkol sa pagkamalikhain at pagpapahayag ng sarili kumpara sa mga hindi gumagamit ng Snapchat, kung saan 69% ng mga Snapchatter ang nagsasabing nararamdaman nila na mayroon silang lugar kung saan maipapakita nila ang kanilang pagiging malikhain sa mga platform na ito, kumpara sa 58% lamang ng mga hindi Snapchatter.
Mababasa mo ang buong ulat ng NORC dito [LINK]. Bagama't isa lamang itong pag-aaral, nag-aalok ito ng mas maraming insight sa mga paraan kung paano sinusuportahan ng Snapchat ang pagkakaibigan at kapakanan. Nasasabik kaming makita na marami sa mga desisyon sa disenyo na ginawa namin sa paglipas ng mga taon ay maaaring mag-ambag sa mas malapit na relasyon at mas maraming kaligayahan, lalo na sa panahon na ang mga tao ay nakakaramdam ng higit na kalungkutan at lalong nababahala tungkol sa kalusugan ng isip. Naniniwala kami na ang teknolohiya ay makakatulong sa atin na maging mas malapit sa isa't isa kapag nagdidisenyo tayo ng mga produkto sa paraang nakasentro sa tao.