സ്വകാര്യത പരിരക്ഷിക്കുക എന്നത് ഞങ്ങളുടെ ദൗത്യം നിറവേറ്റുന്നതിലുള്ള വളരെ പ്രധാനപ്പെട്ട ഒരു ഭാഗമാണ്: സ്വയം പ്രകടിപ്പിക്കാനും ഈ നിമിഷത്തിൽ ജീവിക്കാനും ലോകത്തെക്കുറിച്ച് അറിയാനും ഒരുമിച്ച് ആസ്വദിക്കാനും ആളുകളെ പ്രാപ്തരാക്കുക. ഞങ്ങളെ സംബന്ധിച്ചിടത്തോളം, അത് നിങ്ങളായിരിക്കാനുള്ള സ്വാതന്ത്ര്യത്തെക്കുറിച്ചാണ് — നിങ്ങൾ ആരാണെന്നോ നിങ്ങൾ ആരായിരുന്നെന്നോ, നിങ്ങൾ ആരാകുമെന്നോ പരിഗണിക്കാതെ.
അതുകൊണ്ടാണ് Snapchat നൊപ്പം നശ്വരമായ മീഡിയ എന്ന ആശയം ഞങ്ങൾ അവതരിപ്പിച്ചത് — യഥാർത്ഥ ജീവിതത്തിലെന്നപോലെ, നിങ്ങൾ എല്ലായ്പ്പോഴും റെക്കോർഡിലില്ല എന്ന ധാരണ സജ്ജീകരിക്കുന്നതിന് വേണ്ടി. ഇത് സ്വകാര്യതയും അഭിപ്രായ സ്വാതന്ത്ര്യവും പ്രാപ്തമാക്കുന്നു. നിങ്ങൾ പുതിയതായി ആരെയെങ്കിലും കണ്ടുമുട്ടുമ്പോൾ, നിങ്ങളുടെ ജീവിതത്തിലെ കഴിഞ്ഞ അഞ്ച് വർഷത്തെ വ്യക്തിഗത റെക്കോർഡ് പരിശോധിച്ച് വിശകലനം ചെയ്യുന്നതിനെക്കുറിച്ച് നിങ്ങൾ ആശങ്കപ്പെടേണ്ടതില്ല.
സ്വകാര്യതയും നിങ്ങൾ പങ്കിടുന്ന വിവരങ്ങൾ തിരഞ്ഞെടുക്കുന്നതിനുള്ള നിങ്ങളുടെ അവകാശവും ഞങ്ങൾ ചെയ്യുന്ന എല്ലാ കാര്യങ്ങളുടെയും കേന്ദ്രമാണ്. അതുകൊണ്ടാണ് Snap ജനറൽ ഡാറ്റാ പ്രൊട്ടക്ഷൻ റെഗുലേഷന്റെ (GDPR) തത്ത്വങ്ങൾ സ്വീകരിക്കുന്നത് സ്വാഭാവികമായി വന്നത്: ഡാറ്റ കുറയ്ക്കൽ, ഹ്രസ്വകാല നിലനിർത്തൽ കാലയളവുകൾ, അജ്ഞാതമാക്കൽ, സുരക്ഷ.
ഉദാഹരണമായി, ഞങ്ങൾ ഒരു പുതിയ Snapchat സവിശേഷത നിർമ്മിക്കാൻ തുടങ്ങുന്നതിനുമുമ്പ്, സ്വകാര്യതാ അഭിഭാഷകരുടെയും എഞ്ചിനീയർമാരുടെയും ഒരു സമർപ്പിതമായ ടീം ഇനിപ്പറയുന്നവയുടെ രൂപരേഖ തയ്യാറാക്കാൻ ഞങ്ങളുടെ ഡിസൈനർമാരുമായി ചേർന്ന് പ്രവർത്തിക്കുന്നു:
എത്രത്തോളം ഞങ്ങൾ ഡാറ്റ നിലനിർത്തുന്നു
സ്‌നാപ്ചാറ്ററുകൾക്ക് അവരുടെ ഡാറ്റ കാണാനും ആക്‌സസ് ചെയ്യാനും അവകാശങ്ങൾ എങ്ങനെ ഉപയോഗിക്കാമെന്നും
ശേഖരിച്ച ഡാറ്റ എങ്ങനെ കുറയ്ക്കാം
ശേഖരിച്ച ഡാറ്റ അത് ഉദ്ദേശിച്ചതല്ലാതെ മറ്റൊന്നിനും ഉപയോഗിക്കുന്നില്ലെന്ന് എങ്ങനെ ഉറപ്പാക്കാം
ഞങ്ങൾ വിവരങ്ങൾ ശേഖരിക്കുമ്പോൾ, ഞങ്ങൾ ഉപയോഗിക്കുന്ന ഡാറ്റയെക്കുറിച്ച് ചിന്തിക്കാൻ ഞങ്ങൾ ശ്രമിക്കുന്നു. ഉദാഹരണമായി, നിങ്ങളുടെ വംശീയത, ലൈംഗികത, അല്ലെങ്കിൽ രാഷ്ട്രീയമായ കൂറ് എന്നിവയെക്കുറിച്ചുള്ള വിവരങ്ങൾ ഞങ്ങൾ ശേഖരിക്കുന്നില്ല, നിങ്ങളെക്കുറിച്ച് വ്യക്തിപരമായി തിരിച്ചറിയാൻ കഴിയുന്ന വിവരങ്ങൾ പരസ്യദാതാക്കളുമായോ മൂന്നാം കക്ഷികളുമായോ ഞങ്ങൾ പങ്കിടില്ല.
ഞങ്ങൾ ശേഖരിക്കുന്ന ചില വിവരങ്ങളിൽ നിങ്ങൾ Snapchat എവിടെയാണ് തുറക്കുന്നത്, Discover ൽ നിങ്ങൾ എന്താണ് കാണുന്നത് എന്നിവ ഉൾപ്പെടുന്നു. ലൊക്കേഷൻ നിർദ്ദിഷ്ടമായ അനുഭവങ്ങൾ നൽകാനും “ജീവിതശൈലി വിഭാഗങ്ങൾ” അല്ലെങ്കിൽ “ഉള്ളടക്ക താൽപ്പര്യ ടാഗുകൾ” എന്നിവ നൽകാനും ഇത് ഞങ്ങളെ സഹായിക്കുന്നു. ഈ താൽപ്പര്യ വിഭാഗങ്ങൾ ഞങ്ങളെ സഹായിക്കുകയും ഞങ്ങളുടെ പരസ്യദാതാക്കൾ നിങ്ങൾക്കായി വ്യക്തിഗതമാക്കിയ ഉള്ളടക്കം നൽകുകയും ചെയ്യുന്നു.
ഏറ്റവും പ്രധാനമായി, നിങ്ങൾ ഞങ്ങൾക്ക് നൽകുന്ന വിവരങ്ങളിൽ നിങ്ങൾക്ക് നിയന്ത്രണം ഉണ്ടായിരിക്കണമെന്ന് ഞങ്ങൾ ആഗ്രഹിക്കുന്നു. നിങ്ങളെ ഉൾപ്പെടുത്തിയിട്ടുള്ള താൽപ്പര്യ വിഭാഗങ്ങളിൽ നിങ്ങൾക്ക് പൂർണ്ണ നിയന്ത്രണമുണ്ട് — ഇവയെല്ലാം ഒഴിവാക്കാനായി നിങ്ങൾക്ക് തിരഞ്ഞെടുക്കാം. നിങ്ങളുടെ ലൊക്കേഷൻ ഡാറ്റ ഞങ്ങൾ ഉപയോഗിക്കാൻ ആഗ്രഹിക്കുന്നില്ലെങ്കിൽ, നിങ്ങളുടെ ലൊക്കേഷൻ അനുമതികൾ ഓഫ് ചെയ്യാനാകും. അവസാനമായി, ഞങ്ങളുടെ സേവനങ്ങൾക്ക് പുറത്തുള്ള പ്രഥമ, മൂന്നാം കക്ഷി പ്രേക്ഷക ഡാറ്റയെയും പ്രവർത്തനത്തെയും അടിസ്ഥാനമാക്കി ലക്ഷ്യം വെയ്ക്കുന്ന എല്ലാ പരസ്യങ്ങളും ഒഴിവാക്കാൻ നിങ്ങൾക്ക് സ്വാതന്ത്ര്യമുണ്ട്. ഈ അനുമതികളെല്ലാം നിങ്ങൾക്ക് Snapchat ക്രമീകരണങ്ങളിൽ കണ്ടെത്താൻ കഴിയും.
നിങ്ങളുടെ ഡാറ്റ എങ്ങനെയാണ് ഉപയോഗിക്കുന്നതെന്ന് പൂർണ്ണമായി മനസിലാക്കുമ്പോൾ, ഒരു ബ്ലോഗ് പോസ്റ്റിന് ഒരിക്കലും അത് പൂർണ്ണമായി ഉൾക്കൊള്ളാനാകില്ലെന്ന് ഞങ്ങൾക്കറിയാം. അതിനാൽ, ലളിതവും മനസിലാക്കാൻ എളുപ്പവുമാണെന്ന് ഞങ്ങൾ പ്രതീക്ഷിക്കുന്ന ഭാഷയിൽ സമഗ്രമായ ഒരു വിശദീകരണം നൽകുന്നതിനായി ഞങ്ങൾ അടുത്തിടെ ഞങ്ങളുടെ സ്വകാര്യതാ കേന്ദ്രം അപ്‌ഡേറ്റ് ചെയ്‌തു. നിങ്ങൾക്ക് മറ്റെന്തെങ്കിലും ചോദ്യങ്ങളുണ്ടെങ്കിൽ, ഇവിടെയുള്ള ഈ ലിങ്കിൽ ഞങ്ങളെ ബന്ധപ്പെടാൻ മടിക്കരുത്.
ആഹ്ളാദകരമായ സ്നാപ്പിങ് ആശംസിക്കുന്നു!